प्लास्टर गर्दा हुने गल्तीहरू र ध्यान दिनुपर्ने कुराहरू
प्लास्टर भवनको भित्ता वा छतलाई सुदृढ, सुन्दर र दीर्घकालीन बनाउन गरिने प्रक्रिया हो। यो साना त्रुटिहरूले पनि ठूलो समस्या निम्त्याउन सक्छ। त्यसैले प्लास्टर गर्दा निम्न गल्तीहरू नगर्नु र केही कुरामा विशेष ध्यान दिनु आवश्यक छ।
प्लास्टर गर्दा हुने साधारण गल्तीहरू
- सतह सफा नगर्ने
धुलो, माटो वा ढुसीयुक्त सतहमा प्लास्टर गर्दा टाँसिन सक्दैन, जसले प्लास्टर पिल्सिने समस्या निम्त्याउँछ। - अनुपयुक्त मिक्स डिजाइन
वालुवा र सिमेन्टको सही अनुपात नमिलाउँदा प्लास्टर कमजोर बन्छ, जसले गर्दा चर्किने र फुट्ने समस्या देखा पर्छ। - पानीको सही व्यवस्थापन नगर्ने
पानीको अत्यधिक प्रयोगले प्लास्टर कमजोर हुन्छ भने कम पानीले प्लास्टर सही रूपमा सतहमा टाँसिदैन। - विस्तारै काम नगर्ने
हतारमा काम गर्दा प्लास्टर असमान हुन सक्छ, जसले अन्तिम परिणाममा खराब देखिन्छ। - सही समयमै पानी हालेर सिँचाइ नगर्ने
सिँचाइ नगर्दा प्लास्टर चर्किन सक्छ र कमजोर हुन्छ।
ध्यान दिनुपर्ने महत्त्वपूर्ण कुराहरू
- सतहको तयारी
प्लास्टर गर्नु अघि सतह राम्रोसँग सफा गर्नुपर्छ। पुरानो प्लास्टर, धुलो वा माटो हटाएर मात्र काम सुरु गर्नुपर्छ। - उचित मिक्स डिजाइन
सामान्यत: सिमेन्ट र बालुवाको अनुपात १:४ देखि १:६ बीचमा राखिन्छ। यदि यो अनुपात फरक पर्यो भने परिणाम कमजोर हुन्छ। - पानीको उचित मात्रा
प्लास्टरमा प्रयोग हुने पानीको मात्रा सन्तुलित हुनुपर्छ। धेरै पानीले प्लास्टर झर्न सक्छ भने कम पानीले प्लास्टर दह्रो टाँसिँदैन। - समयमै सिँचाइ
प्लास्टरपछि कम्तीमा ७ दिनसम्म नियमित रूपमा पानी हाल्नु आवश्यक हुन्छ। यसले प्लास्टरलाई बलियो र टिकाउ बनाउँछ। - वातावरणीय अवस्थाको ख्याल
धेरै गर्मी वा चिसोमा प्लास्टर गर्दा सिँचाइको व्यवस्थामा थप सावधानी अपनाउनुपर्छ। - अनुभवी कामदारको छनोट
अनुभवी मिस्त्री र कामदारले काम गर्दा गल्ती कम हुने र राम्रो परिणाम प्राप्त हुने सम्भावना उच्च हुन्छ।
प्लास्टर प्रक्रियामा भएका साना-तिना गल्तीले भवनको मजबुती र सौन्दर्यमा ठूलो असर पार्न सक्छ। त्यसैले सतहको तयारी, मिक्सको सही अनुपात, पानी व्यवस्थापन, र समयमै सिँचाइजस्ता कुरामा विशेष ध्यान दिनुपर्छ। उचित सतर्कताका साथ काम गर्दा टिकाउ र आकर्षक प्लास्टर प्राप्त गर्न सकिन्छ।
